 |
|
Næringsutvikling: Småkraft som næringsveg
Kilde: bondelaget Norges Bondelag fokuserer på småskala kraftverk som næringsveg i bygdene på Vestlandet gjennom eit treårig prosjekt. - Prosjektet skal gi råd til grunneigarar med potensiale for kraftutbygging og arbeide for at denne tilleggsnæringa kan utviklast slik at verdiskapinga for garden og bygdesamfunnet vert størst mogleg, seier prosjektleiar Terje Engvik på lanseringsdagen. Med prosjektet ynsjer Norges Bondelag åauke medviten rundt verdien av eigne vassressursar og eit godt grunnlag for å ta gode avgjerder. - Vi ynkskjer at b ønder og grunneigarar framleis skal ha råderett over ressursane, eller gode avtaler med kjøparar eller medeigarar, seier prosjektleiar Terje Engvik, som også ynskjer at samarbeidet mellom politikarar, grunneigarar/utbyggere og forvaltninga skal styrkast.
Prosjektet skal spreie informasjon om utbygging av mikro-, mini- og småkraftverk og gi råd og hjelp til grunneigarar som ynskjer å nytte ut fallrettane sine. Vidare skal prosjektet samarbeide breitt med andre organisasjonar og aktuelle styresmakter om småkraftutvikling og rammevilkåra for småkraftnæringa. Småkraftforeninga vert ein viktig samarbeidspartnar, like eins naturvernorganisasjonar, Fylkesmannen, kommunar og fylkeskommunar i samband med utbyggingssaker og fylkesdelplanar, og Norges Vassdrags- og Energidirektorat (NVE), som handsamar konsesjonsplikt og konsesjonssøknader. Mål i prosjektet Hovudmålet i prosjektet er å stimulere til og sikre ei miljøforsvarlig utbygging av mini- mikro- og småkraftverk med vekt på lokalt eigarskap og verdiskaping med basis i garden og bygda sitt ressursgrunnlag. Vegen fram til eit ferdig kraftverk er lang og krev mykje kunnskap på mange fagfelt.Ulike delmål i prosjektet er: Sikre at mest mogleg av verdiskapinga vert verande på lokale hender Sikre god kvalitet på planar og konsesjonssøknader som vert sendt NVE Sikre at innhaldet i fylkesvise planar for småkraftverk legg til rette for ei utbygging med lokalt eigarskap. Legge til rette for møteplassar mellom offentlege og private aktørar Om prosjekt "Småskala kraftverk - næringsveg i bygdene på Vestlandet" Prosjektet dekker fylka Hordaland, Sogn og Fjordane og Møre og Romsdal, men vil også i ei viss utstrekning kunne yte tenester på småkraftsektoren i resten av landet. Som prosjektleiar er tilsett Terje Engvik. Han vert stasjonert ved Sogn og Fjordane Bondelag sitt kontor i Førde. Prosjektet har ei tidsramme på 3 år med prosjektstart frå 1.1. 2008, lansering oktober 2008. Prosjektet skal ferdigstillast innan 31.12. 2010.Prosjektet har ei kostnadsramme på kr 950 000,- årlig over 3 år. Prosjektet er finasiert av Norges Bondelag og sentrale og fylkesvise bygdeutviklingsmidler. Kilde: bondelaget
|
